Trenbide zaharrak egiten zuen ibilbidea jarraituta, Bide Berdetik zehar Pasaiako badiako uretara iritsiko gara.

Badia osoa inguratzen duen eta itsaslabar itzelek babesten duten udalerri honetan, ezinbestekoak dira MATER ontzi museo ekoaktiboa, eta Albaola Itsas Faktoriara, bisitaldiak. Lehenengoa, kultura eta itsas inguruneari buruzko jarduera sorta zabala eskaintzen duen museo berezia da. Albaolan berriz, zuzenean ikusi ahal izango duzu XVI. mendeko baleontzi baten erreplikaren eraikuntza.

Ibilbidea hirigune historikoetan

Pasai Donibaneko eta Pasai San Pedroko hirigune historikoetatik paseatzeak, mendiaren eta itsasoaren artean eraikitako kale harriztatu eta estuetan barrena ibiliz, zubi-etxe eta eraikin historiko bereziekin, iraganera bidaiaraziko gaitu zalantzarik gabe. Hirigune historiko batetik bestera joateko modurik errazena badia gurutzatzen duen itsasontzia hartzea da!

Puntetako bidea

Pasai Donibaneko herrigunea atzean utzita, Bonantzako elizatik aurrera Pasaiako badiako sarrerara eramango gaituen paseoa hartu dezakegu, bokaleko albo bietan dauden amildegiak miresteko. Bide amaieran Alabortzako hondartza daukagu, atseden hartzeko leku aproposa.

Itsas jarduerak Pasaiako badian

Pasaia ezagutzeko beste modu original bat ere badago: ITSASOTIK! Itsasora irteerak, urpekaritza, piraguen eta paddle surf taulen alokairua, patroiarekin edo patroi gabeko itsasontzien alokairua… hamaika aukera dago Pasaian!

Pasaiako itsas zaporea

Pasaian taberna eta jatetxe eskaintza zabala topatuko dugu. Bertan, besteak beste, kalitate ezin hobea duten itsasoko produktu onenak dastatzeko aukera paregabea izango dugu.

Pasaiako planoa

Jarduera nautikoak

Non jan